Bahui kelit peklet dahin usan aya' ha' daleh Yemen

Jah dara nah akui em blogging tinih...usik te' havah akui dara anih dih pa....

Selap lan daleh anih jarun inih...lale' lale' usan ha'ut putung levi...usi iha' awi daleh arab aleng ha' beh dih(Saudi/Qatar/Bahrain/Kuwait/Oman/UAE etc). Dua dau aleng uh arai dih nyeman tua bekilat dahin bahui alem akui main bun ujung padang hit tinih...aleng peksing akui iha' nah...akui melek dep tua alem padang hit anan...dalo' arab anih uh lap tepurung jaka' anan(avin dalo' uh familiar dahin fenomenon anih)...ek seprem mata' kui pa pelui bahui hit areh...ek ju basung akui mekap mata' akui te' bahui hit areh...sayu akui jeleng "goal post"...ek navit tiang gol anan pakai nahen batung akui ja sik akui em madang...ji hangun akui buka' mata/basung akui ke' beka' akui dep kah aleng te' padang anan la'an...thank to God I survived. Te' ji lake bakeh akui berung kudek na' drum madang te' iha'. Kahum lan uma madang..."container" madang...nun nun pah em madang.

Ji bulan la'an "to go"...la'ei lelan nyadui hinih. Ha'ut ha'ut migu kelunan nimak line "transmission"...ngebom tiang "transmission"...aleng "dasyhat" iha' nah ngebom "plant" kamek dahin petimak dahin "security forces" kamek te' hawang "gate" loji anih.

Liveng ita' seng nei uli ha' daleh itam kelunan "normal". Usi kelunan hinih "normal...ha'ut ha'ut laung hipun selapang. "Fact" kuma' 60 juta "weapons" hinih...23 juta kah semua rakyat na'. "Free" tua kelunan panau dahin selapang(bilang panau alem pasen dahin senapang) hinih. Tusah lisin usi' te' undang undang.

Malaysia kah aleng sayu...PEACEFUL...TRULY ASIA(ha'ut ha'ut dau nyineng iklan na' ha' daleh arab hinih!!!)